Adeilad Morgannwg

Rhodfa’r Brenin Edward VII
Caerdydd
CF10 3WA

• +44 (0)29 2087 5179

---

---

Dogfennau cysylltiedig

Os na all eich meddalwedd cynorthwyol ddarllen y dogfennau hyn, gallwch ofyn am fersiwn hygyrch drwy anfon ebost at web@caerdydd.ac.uk. Nodwch enw'r ddogfen, yr offer cynorthwyol rydych yn ei ddefnyddio a'r fformat sydd ei angen arnoch.

Gweld Adeilad Morgannwg ar Google Maps

Mae Adeilad Morgannwg wedi’i leoli ar Rodfa Brenin Edward VII.

Oriau Agor: 08:00-20:00 (dyddiau'r wythnos)

Mae yna fynediad gwastad o’r heol i’r palmant o flaen yr adeilad, wrth bwyntiau mynediad i gwrt blaen yr adeilad. Gallwch gael mynediad i’r maes parcio o Rodfa’r Brenin Edward VII.

Mae ymylon palamant isel ar hyd Rhodfa’r Brenin Edward VII.

Mae’r brif fynedfa i Adeilad Morgannwg drwy stepiau gyda chanllawiau. Mae yna ddrws cylchdroeog i fynd i mewn i’r adeilad.

Mae’r mynediad hygyrch i Adeilad Morgannwg, wedi’i leoli i lawr llwybr byr i’r chwith o’r adeilad. Mae’r mynediad hwn yn gyfyngedig at ddibenion diogelwch, dim ond gyda cherdyn adnabod dilys y Brifysgol y bydd yn agor. Cysylltwch â’ch tiwtor, rheolwr neu'r Adran Diogelwch os ydych yn dymuno dilysu eich carden i ddefnyddio’r drws mynediad hwn.

Mae’r darllenydd cardiau yn hygyrch o ran uchder, mae’r drws yn agor yn awtomatig pan fydd y darllenydd yn gweithredu.

Mae yna esgynfa isel yn arwain at ddrws y fynedfa at y coridor.

Ymwelwyr a defnyddwyr achlysurol: defnyddiwch yr intercom ar ochr y drws er mwyn cysylltu â’r dderbynfa er mwyn agor y drws. Rydym yn awgrymu eich bod yn cysylltu â’r fynedfa cyn ymweld os nag oes gennych gerdyn adnabod dilys y Brifysgol.

Os ydych yn cynnal digwyddiad yn Adeilad Morgannwg, sicrhewch fod trefniadau wedi’u gwneud ar gyfer mynychwyr yn defnyddio’r fynedfa.

Gwybodaeth Hygyrchedd

Parcio

Mae gennym amrywiaeth o drefniadau hyblyg ar gyfer parcio staff and pharcio myfyrwyr ar yr campws.

Parcio ar gyfer beiciau

Mae 75 lle i barcio beic yn y lleoliad hwn.

Cyfleusterau newid a chawodydd

Mae cyfleusterau newid a chawodydd rhad ac am ddim ar gael i’r HOLL staff i’w defnyddio yn y lleoliadau canlynol:

• Llawr gwaelod isaf - Ystafell -1.88
• Llawr gwaelod - Ystafell 0.64 (Hygyrch)
  
• Llawr gwaelod - Ystafell 0.79

Lleoliad ffynhonnau yfed

Helpwch ni i ostwng nifer y poteli plastig untro drwy ail-lenwi eich potel ddŵr yn un o'n ffynhonnau yfed:

• Llawr gwaelod - Ystafell 0.11
• Llawr gwaelod - Hwb y Myfyrwyr 0.02
• Llawr gwaelod - Y tu allan i 0.60
• Llawr cyntaf - Yn agos i 1.01
• 2il lawr - Gyferbyn ag ystafell 2.20

Gwacâd

Mae'r allanfa mewn argyfwng wedi ei labelu'n glir (symbol dyn gwyrdd yn rhedeg). Cymerwch
amser i gyfarwyddo â'r allanfeydd a'r llwybrau ymadael.

Os ydych yn teimlo bod angen cymorth arnoch chi mewn achos o wacáu brys, rhaid i chi drefnu Cynllun Gwacáu Personol (PEEP) cyn gynted ag y medrwch chi. Rhaid i fyfyrwyr roi gwybod i'w Cyswllt Anabledd Myfyrwyr yn eu hysgol i drefnu PEEP. Bydd angen i aelodau staff roi gwybod i'w Cyswllt Anabledd Adrannol neu o fewn eu hysgol i drefnu PEEP. Cofiwch taw eich cyfrifoldeb chi yw hi i roi gwybod i'r unigolyn perthnasol bod angen PEEP arnoch.

Mewn achos o argyfwng, nid oes hawl defnyddio lifftiau. Os nad yw hi'n bosibl i chi adael yr adeilad yn ddiogel drwy ddefnyddio'r grisiau, ceir mannau lloches diogel o fewn pob twll grisiau ar bob llawr uwch (gweler y llun isod). Mae arwyddion clir yn nodi'r mannau lloches. Pan ydych chi yn y man lloches, mae'n rhaid i chi ddefnyddio'r ffonau sy'n galw Adran Diogelwch y Brifysgol. Rhowch wybod iddynt am eich lleoliad a bod angen cymorth arnoch. Bydd yr Adran Diogelwch yn rhoi gwybodaeth i chi ac yn eich cysuro. Bydd angen i chi aros yn y man lloches nes cewch chi gyngor arall neu gymorth. Mae mannau lloches yn darparu gofod diogel am o leiaf 30 munud os oes tân yn yr adeilad.